સંતાડતા રહો તો ફકત પોટલી જ રહે,
આપો ન મિત્રને તો ઘરે ઓટલી જ રહે.
સરખામણી કરો તો એ સરખામણી જ રહે,
પારસમણિ તો છેવટ પારસમણિ જ રહે.
શત્રુ બને ન કોઈ, ન હો મિત્ર કોઈ પણ,
ઇચ્છું છું કે દશા જ આમ તૂટતી જ રહે.
છોડી ગયાં તમે એ સજા યોગ્ય થઈ મને,
ન હો તમે ન મારી દુનિયા સાંકડી જ રહે.
છૂટી મૂકી દીધી છે હવે દિલની લાગણી,
પંપાળતો રહું તો સદા વેવલી જ રહે.
છે અન્યનીય મસ્ત ગઝલ આમ તો ‘જલાલ’,
૫ણ આ૫ણી ગઝલ તો સદા આ૫ણી જ રહે. (૨૦૦૨)
-જલાલ મસ્તાન ‘જલાલ’
‘ખૅરિયત’ પાનઃ ૧૧૪