દિવસો વીતે છે જાણે સજાઓ ગુનાની હોય!
ને તોય જિન્દગીને સતત જીવવાની હોય!
યાદોને જાળવું છું જાણે ફૂલદાની હોય,
ક્યારેક તમને જાણે પરત સોંપવાની હોય.
ગુજરી ગયું છે આખું જીવન તારી રાહમાં,
જોઈ જ મેં નથી, અરે! કેવી જવાની હોય!
ઓ દોસ્તો, દો તમતમારે સામટાં દુઃખો,
એમાં તો કાંઈ મારી રજા માગવાની હોય?
આ જિન્દગીને ઈશની ક્રુપા માનવાની હોય,
જેવી જિવાય એવી જીવી નાખવાની હોય.
શેની ખુશી ‘જલાલ’ ગઝલ બાબતે મને-
જાતે લખી-લખીને અગર વાંચવાની હોય!
(૨૦૦૨) ‘ખૅરિયત’ પાનઃ ૧૪૧.
યાદોને જાળવું છું જાણે ફૂલદાની હોય,
ક્યારેક તમને જાણે પરત સોંપવાની હોય.
અદભુદ…
ગુજરી ગયું છે આખું જીવન તારી રાહમાં,
જોઈ જ મેં નથી, અરે! કેવી જવાની હોય!
badhaj shero ake bija thi chade che bahu maza avigayi te vachine